Civiluloj kontraŭ la ACTA

La Eŭropa Komisiono submetas la internacian komercan traktaton kontraŭ la falsado al jura esploro. La komisionano responsa por la komerca politiko de Eŭropa Unio diris, ke oni transdonas la dokumenton al la luksemburga juĝejo de EU. La tasko de la juĝejo estos konstati, ĉu la traktato estas konforma al la unia juro. La celo de la interkonsento estas haltigi la piratan elŝutadon desur la Interreto, sed dume la kontraŭuloj timas pri la libereco de la Interreto. Laŭ Karel De Gucht la ĉefa celo de la traktato estas establi internacian normon por fortigi la posedrajton de la intelektaj proprietoj, kiu cetere en la unia juro jam estas okazinta.

Karel De Gucht

La traktato, post ties subskribo en multaj landoj generis impetegan proteston, precipe en la rondo de gejunuloj regule uzantaj la Interreton. Plurloke oni kritikis la enhavon de la dokumento. De Gucht diris: “Ĉi tiun diskuton oni devas daŭrigi surbaze de faktoj kaj ne surbaze de miskomprenoj kaj falsaj informoj, kiuj nuntempe regas la komunumajn retpaĝojn kaj blogojn.”
La Interreta piratado kaj fraŭdoj kaŭzas malprofiton 200 miliardoj da eŭroj en la mondo kaj pro tio la EU perdas ankaŭ grandnombran laborlokon. De Gucht emfazis, ke laŭ sia konvinko la traktato ne limigas la liberecon de la Interreto, kies certigon ankaŭ li mem opinias tre grava afero.
La komisionano memorigis pri tio, ke la traktato jam troviĝas en la Eŭropa Parlamento kaj antaŭ la registaroj de la membroŝtatoj por aprobi ĝin. Tamen li opiniis, ke la Komisiono disponos detalajn informojn nur post la sendependa kaj sole jura esploro de la Eŭropa Kortumo.

Courbefy - La aĉetebla vilaĝo

Estas aĉetebla kompleta vilaĝo en Francio kun 19 domoj kaj kun naĝejo. La prezo estas ĉirkaŭ 350mil eŭroj. La nomo de la vilaĝo estas Courbefy kaj situas en regiono de Limousin. Iam ĝi havis 200 loĝantojn, sed nuntempe tio estas tute forlasita. En la ’90-aj jaroj oni volis formi el ĝi ripozlokon, sed la kosto de la konstruado estintus tro altaj pro tio oni rezignis pri la plano.

Carunchio en Abruzzo

Laŭ la loĝantoj de la najbara vilaĝo, la loko nun estas rifuĝejo por ŝtelistoj kaj drinkemuloj kaj elvokas la impreson de loko vizitanta de fantomoj. La interesiĝantoj devas submeti oferton ĝis vendredo.
La forvendo de kompletaj vilaĝoj estas ne unika afero en Eŭropo. En pasinta novembro en Anglio oni proponis por aĉeti vilaĝon kun 14 domoj kaj kun 25 hektaroj da terareo, proksime al urbo York. En aprilo en Italio aperis inter la proponoj vilaĝo kun 11 domoj, kiu situas en regiono de Abruzzo. Pri la aĉeteblaj vilaĝoj raportis la brita gazeto, The Daily Telegraph.

Mario Monti ĉefministro de Italio

Italio ne bezonas pli novajn restriktojn
Laŭ Mario Monti, ĉefministro de Italio, eĉ malgraŭ la eventuala recesio la lando ne bezonas pli novajn restriktojn. Pro tio la itala registaro ne planas skribi novan ŝtatbuĝeton. Italio anoncis, ke la GDP (malneta enlanda produkto) montris en la tria kvaronjaro 0,2%-ajn kaj en la kvara kvaronjaro 0,7%-ajn malkreskiĝon. Tio signifas, ke efektive la recesio jam komenciĝis. En la pasinta jaro la itala ekonomio kreskiĝis entute 0,4%-ojn. La registaro por ĉi tiu jaro kalkulas 0,4%-ajn  malkreskiĝon, dum la Itala Centra Banko 1,5%-ajn kaj la IMF 2,2%-ajn recesion atendas.

Konflikto inter EU kaj Irano

Pluraj eŭropaj landoj haltigis sian nafto-importon
Belgio, Ĉeĥio, Nederlando haltigis, Grekio, Hispanio kaj Italio malkreskigis sian importon devenantan el Irano. – komunikis lunde la proparolanto de Eŭropa Komisiono. Dume Irano haltigis la liveradon de nafto por britaj kaj francaj entreprenoj, malgraŭ tio, ke la eŭropa embargo validiĝos nur en julio. Pro la informo, la prezo de la norda-mara nafto superis la 121 dolarojn. Dumtempe Irano anoncis, ke plilarĝigos la malpermeson de eksporto kaj haltigos la liveradon por pluaj landoj, se Eŭropo montras plue malamikan konduton al Irano. La Eŭropa Komisiono en la pasinta semajno komunikis, ke se Irano haltigus la eksporton, la membroŝtatoj eĉ tiam ne restus sen nafto, ĉar la rezervita kvanto de la krudaĵo estas sufiĉa por 120 tagoj. Simile parolis unu el la estroj de la Internacia Energia Agentejo, dirante, ke la nafto-merkato kapablas toleri la mankon de la irana nafto, ĉar abunde troviĝas alternativaj fontoj kaj la Agentejo mem estas preta helpi.

Nabucco gasdukto

Malmulte da gaso en Eŭropo
La partoprenantoj de la projekto Nabucco pensadas pri tio, ke ili konstruos multe pli malgrandan gasdukton. La grupo konsistanta el 7 eŭropaj entreprenoj konfirmis la informon, ke ili esploras diversajn eblecojn. Laŭ la originala plano la gasdukto estus 3900 km-oj longa kaj liverus 31 miliardojn kubometrojn da gaso. La nova plano jam enhavas, ke la Nabucco kuŝus inter Bulgario kaj Aŭstrio kaj ties kapacito estus nur duona. La fakspertuloj dubas, ke en Centra Azio troviĝas sufiĉa gaso por plenigi kaj bone ekspluati la originale planitan gasdukton. La pli frue ankoraŭ esperiga gasokuŝejo azerbajĝana, supozeble donos nur 10 miliardojn kubometrojn da gaso. La ŝanco por kompletigi la kvanton el Irako kaj Turkmenio fariĝas pli kaj pli pala. Baze kaj funde la afero estas simpla: ne troviĝas sufiĉa gaso en la pli frue ankoraŭ esperigaj fontoj.

Hungara parlamento

La Komisiono povas proponi suspendon
Baldaŭ okupiĝos la Eŭropa Komisiono pri la demando de provizora kaj parta suspendo de la koheremaj subvencioj donendaj al Hungario, pro la tro granda deficito de la ŝtatbuĝeto. – diris Karolina Kottova, proparolanto de la asembleo en Bruselo. La Komisiono pli frue iniciatis, ke en kazo de bezono la sekva paŝo povas esti la frostigo de certaj monsumoj, devenantaj el la koherema fonduso ekde 2013. Tiu en la sekva jaro povas signifi la retenon de 1,7 miliardoj da eŭroj. Kontraŭ Hungario jam de 2004 (ekde ties aliĝo) daŭras procedo pro la troa deficito.

Londona aŭtobuso

Histerio en Londono kontraŭ polaj dungitoj
Per okulfrapaj majusklaj titoloj anoncas sian indigniĝon la The Sun kaj la The Daily Mail, britaj bulvardaj gazetoj pro tio, ke oni varbas polajn ŝoforojn por stiri la novajn etaĝajn aŭtobusojn tiam, kiam 2,6 milionoj da britaj civitanoj suferas pro  la senlaboreco. Unu el la funkciigantaj entreprenoj, la nederlanda Abellio, anoncis 250 laborlokojn, sed en Britio ne troviĝis sufiĉa ĝusta konkursanto. Pro tio la entrepreno dungis ankoraŭ 51 polajn ŝoforojn. Laŭ iu bulvarda gazeto, la poloj unue inundis la industrian zonon de insulo Grain, ŝipo-fabrikojn de Portsmouth kaj minejojn de Cwmgwrach, ke fine ili sidiĝu en la londonajn aŭtobusojn.

Ĝenerala Raporto

La 2011 jara raporto, donas plenan bildon pri la agado de la Eŭropa Unio okazinta dum la pasintaj 12 monatoj. La plenumita vojo estis malfacila kaj kavo-plena, sed ni tamen kapablis iradi iom antaŭen sur ĝi. – diris en la antaŭparolo José Manuel Barroso.
La jaro 2011-a, alportis gravajn defiojn por la Eŭropa Unio, tamen ni atingis signifajn rezultojn kaj sukcese traktis la diversajn problemojn. Fundamenta tasko de la jaro estis trovi la plej bonan agmanieron por vigligi la ekonomian kreskiĝon, stabiligi la financan situacion kaj aranĝi la malfacilaĵojn, kiujn signifis la trakto de la ŝtatŝuldoj.
La Eŭropa Unio faris gravajn paŝojn sur la vojo kondukanta al la profundigo de la integriĝo. Ni estas ligitaj unu al la alia pli, ol iam ajn en la pasinto, kio signifas samtempe utilon kaj grandan respondecon. A krizo montris, se ni vere volas preni sur nin ĉi tiun respondecon, tiam ni devas fari pli multe, ol kiom ni faris ĝis nun. Ĉi tiun ni ĉiuj komprenis pli profunde en la pasinta jaro. En la debatoj kaj diskutoj okazintaj en 2011, ni ĉiam argumentis en intereso de plibonigo de niaj kontaktoj kaj ne por la malproksimiĝo. Niaj decidoj temis pri pli unueca kaj pli intense integriĝanta Eŭropa Unio.- diris José Manuel Barroso en sia antaŭparolo.
La plena raporto estas elŝutebla en la elektita lingvo, ĉi tie!

Konflikto inter EU kaj Irano

Ne mildiĝas la konflikto inter la okcidentaj landoj kaj Irano. Iu militŝipo de la persa lando, transpasis la Suezan Kanalon kaj nun restadas en arealo de Mediteranea Maro. – raportis la BBC. La celo de la manovro estas ne konata, sed oni supozas, ke tio volas esti nur ilo de premo, ĉar laŭ la fakspertuloj la lando ne komencus militan konflikton, vidante la dominantan forton de la okcidentaj landoj. Laŭ la raporto de la Dow Jones, tiu ĉi estis la dua okazo, ke irana militŝipo transpasis la Suezan Kanalon. En pasinta februaro jam aperis du ŝipoj en la arealo, kiuj tiam pluiris al la “amikaj” havenoj de Sirio. Tiam Israelo opiniis la aperon de iranaj ŝipoj, kiel provoko.

Eŭropa Unio kaj la irana petrolo

Unuflanke Irano provas montri forton, aliflanke emon, permesi, ke la okcidentaj landoj pli severe kontrolu la atomprogramon okazantan en la lando. Eble pro la ambivalenco spertata en la komunikado, la Eŭropa Unio kaj Usono akceptas la iranajn ofertojn skeptike. Laŭ ili la lando nur volas gajni tempon. Dume la defendministro de Israelo parolis pri tio, ke laŭ liaj atendoj, la sankcioj kontraŭ Irano fariĝos pli rigoraj kaj tio plagos ne nur la petrolindustrion sed ankaŭ la iranan centran bankon. Ŝajnas, ke antaŭ ol ataki la nukleajn establejojn, Israelo provas meti pluan premon sur la iranan registaron. En tiu ĉi situacio estas neprobabla, ke la okcidentaj minacoj malkreskiĝos en la proksima venonto.
Pro la irana situacio, la kurzo de la petrolo atingis la 120 dolarojn, post tio, ke laŭ diversaj informoj Irano deziras ĉesigi la liveradon de petrolo al ses eŭropaj landoj. Kvankam la informon oni tuj refutis, tamen la timo pro la manko de la petrolo ne permesas malkreskiĝis la prezon. Aldone, ke Irano baldaŭ povas grandigi la mezuron de la eksporto de petrolo al Ĉinio kaj se tio montriĝos jam ankaŭ en la liverado, tiam la koŝmaro pri manko de la petrolo povas fariĝi realeco por Eŭropo. Estas rimarkinda, ke post la anonco de la embargo kontraŭ Irano, la lando jam parolis pri tio, ke kiel eble plej baldaŭ haltigos la eksporton, por ke la eŭropaj landoj ne povu anstataŭigi la mankon el aliaj fontoj.

Granda defio: La koruptado

La koruptado estas signifa problemo en la landoj de Eŭropa Unio kaj ties mezuro kreskiĝis en la pasinta tri jaro. Ĉi tiun komunikis la Eŭropa Komisiono surbaze de la raporto de la Eŭrobarometer. Laŭ la datenoj preskaŭ la tri kvaronoj de la loĝantaro opinias, ke la koruptado eĉ plu estas signifa problemo kaj tio ĉeestas ankaŭ sur la nivelo de registaroj.  La 8%-oj de la respondantoj diris, ke en la pasinta jaro iu, ie petis de ili iom da ŝmirmono.

Cecilia Malmström

Cecilia Malmström, komisionano kaj responsulo pri internaj aferoj diris: ni devas konstati seniluziiĝante, ke la praktikaj rezultoj de la batalo kontraŭ la koruptado en la Eŭropa Unio estas ankoraŭ malkontentigaj. La koruptado eĉ plu estas unu el la plej grandaj defioj por Eŭropo. Kvankam la grandeco kaj karaktero de la koruptado estas diversaj en la landoj, tamen tio estas damaĝa por la tuta Unio, ĉar tio malkreskigas la inventadon, malhelpas la ĝustan funkcion de la interna merkato kaj malbone efikas al la ŝtatbuĝetoj. La ekonomiaj kostoj rilate al la koruptado laŭ la taksadoj estas ĉirkaŭ 120 miliardoj da eŭroj.

Flago de Eŭropa Unio

La koruptado estas tia malsano, kiu detruas la landojn elinterne, subfosas la konfidon al la demokratiaj instancoj, malfortigas la eblecon de la prirespondecigo de la politika estraro kaj favoras al grupoj de la organizita krimado. La batalo kontraŭ la koruptado povas esti sukcesa nur kun helpo kaj volo de la estroj kaj decidopovuloj.- diris Cecilia Malmström.
En pasinta junio la Komisiono aprobis pakon kontraŭ la koruptado, kiu urĝas, ke sur ĉiu tereno de la uniaj fakpolitikoj oni donu pli grandan atenton al la batalo kontraŭ la koruptado. Plue, la Komisiono establis valortaksantan kaj postsekvantan mekanismon, tio estas la “unia kontraŭ-koruptada raporto”, kiu klare prezentas la penadojn kaj decidojn en la diversaj membroŝtatoj. La unuan raporton oni atendas en 2013. La Komisiono verŝajne baldaŭ proponos pluajn regulojn, precipe pri la senhavigo de la krimuloj, pri la reformoj de la publikaj aĉetoj, pri pli preciza statistiko de la krimado kaj pri la pluevoluigita, kontraŭ-fraŭda politiko.

Hungara parlamento

La Eŭropa Parlamento aprobis la projekton de tiu rezolucio, kiu temis pri la eventoj okazintaj en Hungario en la proksima pasinto kaj kiun proponis kvar partioj. Dume, Viktor Orban anoncis, ke naskiĝis la respondo de la hungara registaro por la Eŭropa Komisiono, rilate al procedoj devomalobservaj lanĉitaj en januaro. La aprobita rezolucio esprimas la “gravan zorgon” de la EP pri la praktiko de la demokratio, pri jurŝtateco, pri la praktiko de homaj kaj socialaj rajtoj, pri bremsoj kaj kontraŭpezoj, pri egaleco kaj pri sendiskriminacieco.

Flagoj de membroŝtatoj

Alvokas la hungaran registaron, ke ĝi plenumu la rekomendojn de la Eŭropa Komisiono, Eŭropa Konsilio kaj Venecia Komisiono kaj modifu la tuŝantajn leĝojn. Por la voĉdonado oni prezentis tri rezolucian projekton, el kiuj la sufiĉan plimulton de la voĉoj ricevis la komuna rezolucio de socialistoj, liberaluloj, verduloj kaj Unueca Eŭropa Maldekstruloj/Nordaj Verdaj Maldekstruloj.
En januaro la deputitoj jam diskutis pri la hungaraj politikaj eventoj. La plenkunsida debato okazis unu tago post tio, ke la Eŭropa Komisiono lanĉis la procedojn kontraŭ Hungario pro la duboj rilate al datumprotekta oficejo, sendependeco de la Nacia banko kaj leĝoj tuŝantaj la justicon.

Flagoj de Usono kaj Eŭropa Unio

La Eŭropa Unio kaj Usono anoncis, ke tiuj ekologiaj produktaĵoj, kiuj en la EU aŭ en Usono disponas atestilon, depost la 1-a de junio 2012 fariĝas vendeblaj sur ambaŭ kontinentoj. La komunan valoron de la ekologia sektoro de Usono kaj EU, oni taksas 40 miliardoj da eŭroj kaj la sumo de jaro al jaro kreskiĝas.

La subskriboj de la oficialaj leteroj pri partneriĝo okazis en la germana urbo Nürnberg, la 15-an de februaro 2012.

Dacian Cioloş, Kathleen Merrigan kaj Isi Siddiqui

La dokumentojn signaturis  Dacian Cioloş, komisionano pri agrikulturo de EU, Kathleen Merrigan, usona vicministro pri agrikulturo kaj ambasadoro Isi Siddiqui, reprezentanto kaj ĉefa kontaktulo pri agrikulturo de Usono. La solena akto okazis en kadro de BioFach World Organic, kiu estas la plej granda foiro kaj ekspozicio de la naturaj produktaĵoj en la mondo.
La tasko de la interkonsento naskiĝinta inter la du biograndpotencoj estas certigi solidan bazon por la prospero de la ekologia produktado. La celo estas helpi kaj favori la ekologian industrion kaj dume establi laborlokojn kaj doni eblecojn por negocoj. Ĝis nun la entreprenoj kaj produktistoj, kiuj volis vendadi en Usono kaj ankaŭ en Eŭropo, devis akiri atestilojn konformajn al du normoj. Memkompreneble tiu postulas duoblan administradan koston.

Naturaj produktaĵoj

La interkonsento forigas signifajn barojn desur la vojo de komercado, kiujn la malgrandaj kaj mezgrandaj entreprenoj ĝis nun ne kapablis superforti. La produktaĵojn, kiuj konformas al la normoj naskiĝintaj en la partnereco, oni rajtas etikedi kaj vendadi, kiel naturajn produktaĵojn. La subskribantoj certigas, ke ĉiuj vendataj produktaĵoj konformas al la normoj kaj ties ekologian valoron gardas de la produktado ĝis la vendado. Gravan kontrolantan rolon ricevas la Agrikultura kaj Region-evoluiga Ĉefdirekcio de la Eŭropa Unio kaj la nacia ekologia programo de ministerio pri agrikulturo de Usono, kies tasko estas kontroli la naturan mastrumadon.

Baziliko Sankta Petro en Vatikano

En komunikaĵo parolis pri la konfidencaj dokumentoj tralikigitaj el la Vatikano, Frederiko Lombardi, la proparolanto de la Sankta Seĝo. Li parolis pri atako kontraŭ la Vatikano kaj pri intenca misfamigo. “Nun ni bezonas fortajn nervojn, nenio povas kaŭzi surprizon por ni…”-komencis sian parolon pastro Lombardi, la direktoro de la Vatikana Radio. “Usono ricevis la “wikileaks-on”, nun la Vatikano la “leaks-on” (tralikigo). La celo de la tralikigo de la dokumentoj estas konfuzi kaj ŝoki la homojn, kiu faciligas la miskonkludon rilate al Vatikano. Ĉiu gardu sian malvarmsangon, trankvilon kaj uzu sian menson.”- emfazis Lombardi, aludante al la dokumentoj transdonitaj al la itala gazetaro.
La tagĵurnalo Il Fatto quotidiano, vendrede publikis la raporton de vatikana ŝtatsekretario temantan pri la eldiroj de  ĉefepiskopo de Palermo, Paolo Romeo. Romeo parolis pri atenco kontraŭ Benedikto la 16-a, pro kio por la Papo restis nur 12 monatoj. La Sankta Seĝo nomis la informojn fantasmo kaj komencis internan ekzamenon por retrovi la tralikiganton.

Benedikto la 16-a

Iom pli frue la LA7 televidkanalo publikis la konfidencajn leterojn de ĉefepiskopo, Carlo Maria Vigano, eksa vicguberniestro de urbo Vatikano pri la koruptado interna. La Vatikano dementis ankaŭ tiun informon, laŭ kiu por eviti la kontrolojn de la italaj instancoj, la Sankta Seĝo transpagis al Romo 180 milionoj da eŭroj. En la komunikaĵo Lombardi konfesis, ke la dokumentoj “eliĝis deinterne”. Kaj aldonis: “la pli kaj pli forta atako estas signo de tio, ke la veto de la ludo estas iu grava afero.” La proparolanto menciis ankaŭ la decidojn kontraŭ la seksaj misuzoj kaj la kreitan travideblecon en la financaj aferoj. La atencon kaj komploton kontraŭ la Papo Benedikto la 16-a, li ripete nomis frenezeco.
Luigi Bettazzi, la honora ĉefepiskopo de Ivrea en Piemonto, al la ŝtata radio-kanalo diris, ke la informo pri la atenco kontraŭ la Papo povas esti artifiko por prepari la abdikon de la Papo.  Bettazzi ne esceptis la eblon, ke la ĉijare 85 jaraĝa Benedikto la 16-a, konsideras sian abdikon pro sia maljuna aĝo.

Guimarães - Portugalio

Ĉijare la portugala Guimarães kaj la slovena Maribor estas la Kulturaj Ĉefurboj de Eŭropo. En ambaŭ urboj multkoloraj programoj atendas la vizitantojn. Interalie teatraĵoj, operaj kaj dancaj spektakloj, literaturaj vesperoj, ekspozicioj. La celo de Kultura jaro estas allogi turistojn kaj investantojn kaj akiri konatecon al la urboj. Guimarães estas naskiĝurbo de la portugala reĝo Alfonso la 1-a. Preskaŭ la duono de ties loĝantoj estas pli juna ol 30 jaroj kaj per tio, ĝi nuntempe estas unu el la plej junaj urboj en Eŭropo. Unu el la plej gravaj celoj de la programoj estas engaĝi la gejunulojn en la organizado kaj ke la iama industria urbo fariĝu konata pri sia kreokapablo. Laŭ la opinio de la deputito de Verda partio, Rui Tavares, Guimarães estas unu el la plej belaj urboj de Portugalio, kiu povus esti la simbolo de la renaskiĝo. La urbo bone kunfandas la nuntempan kreokapablon kaj la mil jarajn tradiciojn. Guimarães estas ne preterlasebla vojaĝcelo en ĉi tiu jaro, aldone, ke ĉirkaŭ 25km-ojn de tio situas Braga, kiu ĉijare estas la Junulara Ĉefurbo de Eŭropo.

Maribor - Slovenio

Maribor logas al si la artistojn per diversaj ŝanĝoprogramoj kaj klopodas ankaŭ la loĝantojn de la urbo engaĝi en la eventoj de la Kultura jaro. „Mi estas tre fiera pri tio, ke Maribor fariĝis Kultura Ĉefurbo de Eŭropo en 2012.”- diris Milan Zver, deputito popolpartia. Maribor estas renkontiĝejo de la diversaj kulturoj, kiuj en la pasinto ĉiam pliriĉigis unu la alian kaj estis bonaj najbaroj. La deputito esperas, ke la tradicio daŭriĝas kaj multaj interesiĝantoj vizitos la urbon.

La iniciato pri Kultura Ĉefurbo de Eŭropo devenas de greka kulturministro, Melina Mercouri, kiu en 1983, en la atena renkontiĝo de kulturministroj eksplikis, ke la subtenado de la kulturo kaj arto estas almenaŭ tiom grava, ol subteni la ekonomion, kaj la kultura sektoro meritas pli grandan atenton de la Komunumo. Pere de la iniciato en ĉiu jaro, iu urbo kaj ties lando kaj kulturo povas montri sin por la loĝantaro de la aliaj eŭropaj landoj. Per tio la urboj kontribuas al la konservado de la kultura multkoloreco kaj nia komuna kultura heredaĵo. La Konsilio en 1985 aprobis la programplanon kaj la unua „Eŭropa Kultura Urbo” estis ankoraŭ en la sama jaro Ateno. La nomon oni ŝanĝigis al „Kultura Ĉefurbo de Eŭropo” en 1999, sed ne nur ĉefurboj povas gajni la titolon.